Staðseting: Mið og Ýti heima á Sandi

Syðri kantur á Sandsgrynnuni. Ýti : Fossin á Sandsgøtu í Mølina og gloppar ímillum Lítla Dímun og Stóra Dímun.

Í innaru trom á Sandsgrynnu. Ýti : Skarvanesfossur á Mølini og Stóra Dímun og Skúvoy tanga í tanga.

Í innaru trom á Sandsgrynnu. Ýti : Geivatáin í Dímun ( er tað, ið skilir Grønuskor frá Berginum ) inn ímóti Skúvoynni og Høgaskor ( sí Klivaløkshagi ) afturat Salthøvdanum.

Í innaru trom á Sandsgrynnu. Ýti : Stóra Dímun inn í Lágdina á Knænum í Berginum á Skúvoynni og Høvdamiðakletturin ( er í Traðarhamri ) undan Salthøvdanum.

Liggur beint út av Rivinum og er sandgrynna, er bæði torragrunnur og sildafiskagrunnur.

Gongur úr Salthøvdanum í Mølina oyggj úr oyggj. Alt hetta frammanfyri nevnda, nevnist innansyndis útróður.

Er grótryggur, ið liggur norðanvert við bygdina á Skarvanesi og Skúvoyarbygdina. Hann gongur oyggj úr oyggj og er ein skaðaryggur.

Her er so grunt, at teir næstan síggja botn. Ýti : Salthøvdi út í Skarvatanga í Skúvoy og um Bergi í Skúvoy. 10, 11, 12 , og 13 rópast ” Suður í Fjørðinum “, tað er millum Nøvina og Dalsendan ( syðst á Sandoynni ).

Skuldi komast av, at báturin, ið viðkomandi menn vóru við, ikki var heilt liðugur at smíða, tá ið teir funnu miðið. Ýti : Fliðuknæið undan Navartanga í Skúvoy og Ánna á Bergi í Tangan á Skarvanesi

Ýti : Heyggjarnir í Skorini røð um røð og Líðargjógv undan Tanganum á Skarvanesi.