Navnið kemur av, at Maren Poulsdatter, bóndadóttir av Oyri, giftist við Mouritsi Mohr, bónda í Hoyvík. Mourits doyði ungur, so Maren kom at sita við garðinum í Hoyvík. Hon skuldi duga so væl at reka garðin, at einaferð fugloyingar vóru í grind í Havn, skuldi ein fugloyingur siga, at hann legði einki í, um grindin slapp, tí nú hevði hann sæð Marin í Hoyvík. Henda sama Marin átti eitt úthús á Oyri, harav kemur navnið Hoyvíksgrundin.