Klaksvíkar Vevskúli :
Oyrarvegur 11 ——- 700 Klaksvík
Telefon :455413
Vevskúlin í Klaksvík, staðsettur á Oyrarvegi 11, er partur av Klaksvíkar Kvøldskúla og bjóðar skeið í veving og litalæru.
Veving og litalæra.
Menti veving í Føroyum
Kvinnurnar verða ofta burtur í skjølunum. Søgufrøðingar síggja tær ikki altíð, men tað er ikki tí, at tær ikki hava gjørt og framvegis gera eitt stórt arbeiði.
Marin Malena gjørdi eisini eitt stórt arbeiði fyri at menna veving í Føroyum.
Fyri at minka um útflutningin av hosum varð tað við kongaligari fyriskipan í 1804 gjørt av at stuðla vevingini í Føroyum.
Nakrir nýmótans vevar skuldu sendast til Føroyar fyri rokning hjá Kongaliga einahandlinum.
Harumframt skuldi fyri rokning hjá einahandlinum ein maður sendast til Føroyar at leggja lag á við vevingini ella skuldi ein føroyingur sendast til Danmarkar at læra seg at veva.
Tað var kortini so heppið, at ein nýmótans vevur og ein føroysk kvinna, sum dugdi at veva, vóru í Føroyum.
Inger Maria Djurhuus á Nesi dugdi at veva, og hon átti eisini sjálv ein nýmótans vev.
Í 1807 fór Inger Maria undir at læra tvær aðrar føroyskar kvinnur at veva.
Tær báðar kvinnurnar vóru áðurnevnda Marin Malena Nolsøe og Margretha Kjælnes, sum seinni gjørdist bóndakona á Steig í Sandavági.
123 vevstólar
Hetta arbeiðið við veving í Føroyum eydnaðist so mikið væl, at í 1816 vóru 123 nýmótans vevstólar í Føroyum, sum allir uttan ein vóru gjørdir í Føroyum.
123 Vevstólar :
Útflutningurin av vaðmali øktist nógv, men tá handilsmenn løgdu merki til, at føroyskt vaðmal einans kundi nýtast til fóður í klæðum, tí tað ikki kundi tøvast, minkaði útflutningurin og vevingin datt niður fyri.
Viðurkenninrg frá Husholdningsselskabet
Tær tríggjar kvinnurnar løgdu hinvegin lunnarnar undir veving í Føroyum, sum onnur kundu byggja á.
Fyri hetta arbeiðið fingu tær tríggjar í 1815 viðurkenning frá Husholdningsselskabet.
Inger Maria fekk gullheiðursmerki.
Í 1828 setti C.L. Tillish amtmaður á stovn arbeiðsskúla í Havn, har ungar kvinnur kundu læra at veva.
Viðurkenninrg frá Husholdningsselskabet :
Vevskúlin, sum svenska Aina Cederblom lat byggja og stovnaði úti í Grøv í Klaksvík í 1934-35, kann sigast at vera framhald av arbeiðinum hjá teimum trimum kvinnunum.
